Vietnam or Thailand ? Vote for the TOP Country of the Week !
Mis à jour: 9 juillet 2025
Et premierement est icy a noter que toutes especes d'arbres franches & saulvaiges qui de leur nature se peuvent affier par art d'enter de greffes & escusson prennent bien principallement en arbres de semblables especes/ et est le meilleur de le faire ainsi. Combien qu'ilz peuvent prendre aussy bien en aultres especes d'arbres Mais aulcunes ne y font pas si bonne fin.
Supposé qu'ilz soient plusieurs manieres/ d'enter/ j'en mettray seullement des quatres manieres/ desquelles sont bonnes/ & seures/ bien approvees/ & facilles/ & desquelles on peult bien vser & excercer les deulx pars de l'an & plus/ car j'en ay enté en nostre monastere en tous moys/ exceptez Octobre/ & Novembre/ & y sont bien prinses en commençant de greffes a l'yver & en esté: en escusson/ selon que le temps s'avance/ ou retarde/ car aulcunes arbres/ principallement jeunes cyons nouveaulx/ sont encores autant ou plus en seul ou seve/ a la my Aoust/ que les aultres estoyent a la sainct Jehan.
Toutes les aultres manieres d'arbres dessusdictz prennent bien facillement entes de greffes & aussi a escusson excepté les abricotz avant peschiers/ amandiers/ Perciguiers/ & peschiers qui a grand difficulté ne prennent que d'escusson en esté comme cy aprés sera desclairé quant aux amandiers/ perciguiers & peschiers: vous les pouvez aussi affier de noyaulx si seront elles plus tost venues d'enter.
Mot du Jour
D'autres à la Recherche