Vietnam or Thailand ? Vote for the TOP Country of the Week !
Mis à jour: 19 mai 2025
La seconde maniere d'enter/ est assez nouvelle/ c'est enter au hault des boutz des branches d'arbres/ lesquelles ne sont pas encores achevees de croystre/ ou elles soyent par avant entees ou non/ mais qu'elles ayent beau boys nouveau/ & gros cyons par hault/ vous pourrez enter en chascun arbre/ sy vous voulez de plusieurs sortes de fruictz convenable a ycelle en la maniere qui s'ensuyt.
Et fault aussi considerer quant on les vient planter la grandeur en laquelle chascune espece d'arbre peult parvenir & aussi se les arbres ont communement acoustumé de accroistre fort grandes en iceulx lieulx ou non/ car es bonnes terres grasses la ou les arbres peuvent fort croystre fault plus d'espace de l'une a l'aultre qu'i ne fault es terres mesgres & arides.
Et tandis comme elles mettront a croystre vous y pourrez entreplanter aultres menus arbres: mais aussi ne y en mettez pas trop espés. Et si vous y voulez planter tout ung verger d'icelles Arbres poyriers & pommiers il y fauldroit bien d'espace de l'une arbre a l'aultre de vingt cinq a trente piedz en carré. C'est a dire qu'il y ait autant de l'une a l'aultre.
Mot du Jour
D'autres à la Recherche