Vietnam or Thailand ? Vote for the TOP Country of the Week !
Dès or meis me couvient guenchir A ma matere revenir, De ce que me rememberrai, Tant cum santé et povoir ei. Voirs est que Jhesus-Criz ala Par terre; et si le baptisa Et ou flun Jourdein le lava Sainz Jehans, qu'il li commanda Et dist: «Cil qui en moi creirunt, En eve se baptiserunt Ou non dou Pere et dou Fil Crist Et ensemble dou Saint-Esprist, Que par ice serunt sauvé, Dou povoir l'Anemi gité, Tant que il s'i remeterunt Par les pechiez que il ferunt.» A sainte Eglise ha Diex donné Tel vertu et tel poesté. Saint Pierres son commandement Redona tout comunalment As menistres de sainte Eglise, Seur eus en ha la cure mise: Ainsi fu luxure lavée D'omme, de femme, et espurée; Et li Deables sa vertu Perdi, que tant avoit éu. A bien peu .v. mil anz ou plus Les eut-il en enfer l
Mot du Jour
D'autres à la Recherche