United States or North Korea ? Vote for the TOP Country of the Week !
Et pource s'il vous semble mieulx/ ne ja tant faire de raises/ mettez vostre gueret par planches larges de cinq piedz ou environ/ & y reonner yceulx petis saulvageaulx/ quatre reons en chascune planche ung pied en carré: loing l'ung de l'aultre/ comme vous feriés a planter de gros choulx/ & incontinent qu'ilz seront reonnez en l'une maniere ou en l'aultre/ comme dit est.
Arrengez bien voz petis saulvaigeaulx es reons/ a ung grand demy pied de long l'ung de l'aultre/ & les y couvrez bien uniment/ & feront de l'aultre du gueret comme vous feriez a reonner de poirees.
Il leur fault a tous coupper le tronc rez de terre/ mais en ce faisant gardez que ne les retirez du gueret/ ou si vous les voulez coupper avant que les renner/ mais qu'ilz feussent reonner de bonne mesure au rez de terre/ seroit assez & y faictes les raises comme il appartient & les emplissez de fumier sans l'enterrer ne couvrir la plante/ & les fault bien sercler & nettoyer les bourriers: & les beschetez aulcunesfoys en esté/ ung peu par dessus/ sans approcher trop des racines/ qui ne sont pas encores assez prinses.
Et puis/ environ l'advent/ fault estendre ycelluy gueret/ & en faire ung careau bien uny/ comme une grande place/ autant qu'en demandez/ & y reonnez ces petis saulvaigeaulx. Et aussi en pourrez remettre & reonner/ si vous voulez/ une partie dont vous les aurez arrachez/ de leur pepiniere.
Mais se d'adventure: par oubly ou negligence avez laissé voz petis saulvageaulx en leur pepiniere deulx ou troys ans sans les arracher/ il les fauldroit reonner/ comme dict est/ des aultres petis/ mais leur fauldroit faire les reons plus creulx/ pour les replanter/ et ne leur rongner par tant leur racines d'ung peu & les esbranchez par hault/ selon qu'on verroit que besoing en seroit/ & ou surplus les transplanter & enter/ & en faire les aultres choses/ come dict est/ de ceulx qu'on reonne petis d'ung an.
Mot du Jour
D'autres à la Recherche