United States or Heard Island and McDonald Islands ? Vote for the TOP Country of the Week !
Et quant on les met en terre: il y fault bien fouller le gueret/ & mettre ung peu rond bien formé au pied de chascun lict d'ung ouzier/ affin qu'on ne les remue/ & si vous les voullez oster d'ou vous les avez mises/ attendez troys ou .iiii. ans/ & jusques a ce qu'elles soyent chevolues.
Et que les greffes en auront produit beau boys & long au bout d'ung an il les fault proigner au commencement de l'yver/ comme ung cep de vigne/ ung pied bas pour chevolues en terre/ & meslez a force de bon gressin parmy la terre/ que tirer de la fosse la ou vous voulez provigner.
Si lesdictes arbres de pruniers ne sont point entez/ prenez en seullement des cyons qui yssent de leur racine bien chevolues: & les plantez: & le fruict en sera de mesmes celluy des arbres ou vous les avez prins.
Et puis aprés troys ou quatre ans passez/ quant ilz seront bien chevolues/ il les fault deterrer au commencement de l'yver/ & en couper tous les membres chevolues d'avecques la souche/ ung peu au dessoubz de la torqueure/ & porter planter chascun d'iceulx la ou vous vouldrez qu'ilz demeurent.
Pour affier des noysilliers c'est assavoir les couldres franches: prenez des petis getons qui sortent des racines: des bonnes couldres franches bien chevolues: & les planter: & le fruict en sera semblable a celluy des couldres dont ilz sont yssus: & ne fault ja les esbrancher quant on les replante s'elles n'estoyent fort grandes.
Laissez les ainsi proigner troys ou quatre ans ou environ: sans les remuer: jusques a ce que lesdictes greffes soyent trestoutes bien chevolues. Et ce tandis picquez des bastons a l'environ: pour les dresser. Et pour paour que on les rompe.
Excepté qu'en pourrez bien laisser ung en la fosse: si le lieu est propre pour y demourer/ & si bon vous semble le couppez aussy d'avecques la souche: mais n'arrachez point des racines que la chevolues depuis qu'il y a esté proigné. Et ainsi pourra mieulx prouffiter que les aultres: qu'on arrache du tout.
Mot du Jour
D'autres à la Recherche