United States or Comoros ? Vote for the TOP Country of the Week !
Et s'il est possible de l'yver procedant/ bien profondement besché/ & fort engressé & meslé de bon gressin/ presque demy/ & mis a meurir ensemble avecques la terre: & le garder ainsi par gros seillons au nouveaulx/ a pourir/ jusques au temps que on pressouere les cydres.
Ceulx qui sont menus/ qui se peuvent bien plyer: il les fault proigner: & toutes ycelles arbres ou elles soyent picquees/ proignees/ il fault que ce soit en bonne terre/ bien meslee de bon gressin: & bescher bien profondement/ en lieu humide/ ou les fauldra arrouser a l'esté.
Et que les greffes en auront produit beau boys & long au bout d'ung an il les fault proigner au commencement de l'yver/ comme ung cep de vigne/ ung pied bas pour chevolues en terre/ & meslez a force de bon gressin parmy la terre/ que tirer de la fosse la ou vous voulez provigner.
Et les choyez bien/ & les couvrés de la terre que aurez tiree de la fosse/ bien meslee avec bon gressin/ & foullez peu a peu dessus: & gardez que nul membre ne s'en relieve/ depuis qu'aurez commencé a la fouller. Et en redresser bien droict amont tous les boutz hors de terre de telle haulteur que faire se pourra. Et la fosse bien remplye.
Mot du Jour
D'autres à la Recherche