United States or Netherlands ? Vote for the TOP Country of the Week !
Le fer est chault, il le fault batre, Vostre fait que savez, va bien; Tout le saurez, sans celer rien, Se venez vers moy vous esbatre. Il a convenu fort combatre, Mais, s'il vous plaist, parfait le tien. Le fer est chault, etc. Vostre fait, etc. Convoitise vouloit rabatre Escharsement, et trop du sien; Mais ung peu j'ay aidié du mien, Qui l'a fait cesser de debatre. Le fer est chault, etc.
Helas dist il ne m'en chault Eslire vueil la voye certaine J'ay essayé du froit et du chault Et sçay que ceste vie mondaine Est fainte deceptive et vaine Faisans cent mille gens perir Qui plus y est plus a de peine Et sy fault une foys mourir Damp prieur
Ma fille de confession, Vueillez avoir compassion De cellui qui sert loyaument, Et qui est vostre entierement, Sans point faire de fiction. Selon raison et conscience, Tort lui tendrez, c'est ma creance, S'il n'a bien brief ce que tant vault. Je vous charge par penitence, Q'ayez en lui toute fiance, Sans plus respondre: Ne m'en chault.
Par foy point n'arrestoye en place Ains estoie de mal et de peine Chault comme feu froit comme glace Souppirant a la grosse allaine Lors tensoie a ma poullaine Mes dois et cheveux tiroye Et s'avoye fleurs et marjolaines Par despit je les deschiroye Damp prieur
Toujours par contemplacion Tiennent leurs cueurs raviz en trance; Pour venir par perfection Au hault Paradis de Plaisance: Chault, froit, soif et faim d'esperance, Souffrent en mainte nacion; Telle est la conversacion Des amoureux de l'observance.
Vieillesse de douleur enrage, De ce que le jeu dure tant, Et dit en son felon langage, Que les chasses dorenavant Merchera, pour m'estre nuisant; Mais ne m'en chault, je la deffy, Ne je ne crains riens que Soussy. Se bon eur me tient convenant, Je ne double, ne tant ne quant, Tout mon adversaire party, Ne je ne crains riens que Soussy.
Par luy je reçoy Souvent froit et chault, Puisqu'estre ainsi fault, Remede n'y voy. Et de cela, etc. Oncques feu ne fut sans fumée, Ne doloreux cueurs sans pensée, Ne reconfort sans esperance, Ne joyeulx regart sans plaisance, Ne beau soleil qu'apres nuée. J'ay tost ma sentence donnée, De plus sachant soit amendée, J'en dy selon ma congnoissance. Oncques feu, etc. Ne doloreux, etc.
Dedens mon sein, pres de mon cueur J'ay mussié ung privé baisier Que j'ay emblé, maugré Dangier; Dont il meurt en paine et langueur. Mais ne me chault de sa douleur, Et en deust il vif enragier, Dedens mon, etc. J'ay mussié, etc. Se ma Dame, par sa doulceur, Le veult souffrir, sans m'empeschier, Je pense d'en plus pourchassier, Et en feray tresor greigneur. Dedens mon, etc.
C'est a vous trop fait d'exés Pour une plaisance mondaine Car de la viennent les assés De double fievre traversaine L'en court l'en fuit l'en se demaine Puys on a froit puis on a chault Brief les amans ont assez peine Et sy a personne n'en chault L'amant
Quant j'ay nompareille maistresse Qui a mon cueur entierement, Tenir me vueil joyeusement, En servant sa gente jeunesse. Car certes je suis en l'adresse D'avoir de tous biens largement, Quant j'ay, etc. Qui a mon, etc. Or en ayent dueil ou tristesse Envieux, sans allegement; Il ne m'en chault, par mon serement, Car leur desplaisir m'est liesse, Quant j'ay, etc. Dieu, qu'il l'a fait bon regarder!
Mot du Jour
D'autres à la Recherche