United States or Iran ? Vote for the TOP Country of the Week !
And zee schulle undirstonde, that aftre the opynyoun of olde wise philosophres and astronomeres, oure contree ne Irelond ne Wales ne Scotlond ne Norweye ne the other yles costynge to hem, ne ben not in the superficialte cownted aboven the erthe: as it schewethe be alle the bokes of astronomye.
For the erthe is fulle large and fulle gret, and holt in roundnesse and aboute envyroun, be aboven and be benethen 20425 myles, aftre the opynyoun of the olde wise astronomeres. And here seyenges I repreve noughte. But aftre my lytylle wytt, it semethe me, savynge here reverence, that it is more.
Now thanne, be the gret compas represented for the firmament, and the litille compas represented for the erthe. Now thanne the firmament is devysed, be astronomeres, in 12 signes; and every signe is devysed in 30 degrees, that is 360 degrees, that the firmament hathe aboven.
Word Of The Day