United States or Burkina Faso ? Vote for the TOP Country of the Week !
And zee schulle undirstonde, that my felawes and I, with oure zomen, we serveden this emperour, and weren his soudyoures, 15 monethes, azenst the Kyng of Mancy, that held werre azenst him. And the cause was, for we hadden gret lust to see his noblelesse and the estat of his court and alle his governance, to write zif it were suche, as wee herde seye, that it was.
And undirstonde zee, that that Babyloyne that I have spoken offe, where that the Soudan duellethe, is not that gret Babyloyne, where the dyversitee of langages was first made for vengeance, by the myracle of God, when the grete tour of Babel was begonnen to ben made; of the whiche the walles weren 64 furlonges of heighte; that is in the grete desertes of Arabye, upon the weye as men gon toward the kyngdom of Caldee.
And zee schulle undirstonde, that with in the dede See rennethe the Flom Jordan, and there it dyethe; for it rennethe no furthermore: and that is a place, that is a myle fro the Chirche of seynt John the Baptist, toward the West, a lytille benethe the place, where that christene men bathen hem comounly.
And zee schulle undirstonde, that oure lady hadde child, whan sche was 15 zeere old: and sche was conversant with hire sone 33 zeer and 3 monethes; And aftre the passioun of oure Lord, sche lyvede 24 zeer.
And zee schulle undirstonde, that this is not the temple that Salomon made: for that temple dured not, bat 1102 zeer. For Tytus, Vespasianes sone, Emperour of Rome, had leyd sege aboute Jerusalem, for to discomfyte the Jewes: for thei putten oure Lord to dethe, with outen leve of the Emperour.
And zee schulle undirstonde, that it fresethe more strongly in tho contrees than on this half; and therefore hathe every man stewes in his hous, and in tho stewes thei eten and don here occupatiouns, alle that they may. For that is at the northe parties, that men clepen the septentrionelle, where it is alle only cold.
And men gon up to that Golgotha be degrees: and in the place of that morteys was Adames hed founden, aftre Noes flode; in tokene that the synnes of Adam scholde ben boughte in that same place. And upon that roche made Abraham sacrifice to oure Lord. And zee schulle undirstonde, that whan oure Lord was don upon the Cros, he was 33 zere and 3 moneths of elde.
Wherefore he is clept the grete Chane. Of the Style of his Lettres, and of the Superscripcioun abowten his grete Sealle, and his pryvee Sealle. Zee schulle undirstonde, that alle the world was destroyed by Noes flood, saf only Noe and his wif and his children. Noe had 3 sones, Sem, Cham and Japhethe.
For I have often tymes passed and ryden the way, with gode companye of many lordes: God be thonked. And zee schulle undirstonde, that I have put this boke out of Latyn into Frensche, and translated it azen out of Frensche into Englyssche, that every man of my nacioun may undirstonde it.
And zee schulle undirstonde, that in that tyme there weren 3 Heroudes, of gret name and loos for here crueltee. This Heroude, of whiche I have spoken offe, was Heroude Ascalonite: and he that leet beheden seynt John the Baptist, was Heroude Antypa: and he that leet smyte of Seynt James hed, was Heroude Agrippa; and he putte Seynt Peter in presoun.
Word Of The Day