Venerabili patri Richardo Dei gratia Cantuariensi archiepiscopo apostolicæ sedis legato, Galfridus domini regis Angliæ filius & cancellarius salutem & reuerentiam debitam ac deuotam. Placuit maiestati apostolicæ vestræ iniungere sanctitati, vt me certo temore vocaretis ad suscipendum ordinem sacerdotis, & pontificalis officij dignitatem. Ego verò considerans quamplures episcopos maturiores ac prouectiores prudentia & ætate vix tantæ administrationi sufficere, nec sine periculo animarum suarum sui officium pontificatus ad perfectum explere, veritus sum onus importabile senioribus mihi imponere iuniori: faciens hæc nō ex leuitate animi, sed ob reuerentiam sacramenti. Habito itaque tractatu super eo cum domino rege patre meo, dominis fratribus meisque rege & Pictauensi & Britannorum comitibus: episcopis etiam Henrico Baiocensi, Frogerio Sagiensi, Reginaldo Batoniensi, Sefrido Cicestrensi, qui præsentes aderant, aliter de vita & statu meo disposui, volens patris mei obsequijs militare ad tempus, & ab episcopalibus abstinere: omne it que ius electionis inde & Lincolnensem episcopatum spontaneè, liberè, quieté, & integrè, in manu vestra pater sancte resigno, tam electionem qu