1 - 1 from 1
Dantes, et concedentes eidem Hieronimo Bowes Militi oratori nostro tenore praesentium, authoritatem, et mandatum, tam generale, quam speciate, ita quod specialitas non deroget generalitati, nec e contra generalitas specialitati, nomine nostro, et pro nobis, cum praefato serenissimo principe, eiusque consiliarijs, et deputatis quibuscunque de praefatis negotijs et eorum singulis, tractandi, conferendi, concludendi appunctuandique, prout praefato Oratori nostro aequum, et ex honore nostro videbitur: Nec non de, et super huiusmodi tractatis, conclusis, appunctuatisque, caeterisque omnibus et singulis, praemissa quouismodo concernentibus, literas, et instrumenta valida et efficacia, nomine nostro, et pro nobis tradendi, literasque et instrumenta consimilis vigoris et effectus, ex altera parte petendi, et confici, et sigillari debite procurandi, et recipiendi, et generaliter omnia, et singula praemissa qualitercunque concernentia, faciendi, exercendi, et expediendi, in, et eodem modo, sicut nos ipsi faceremus, et facere possemus, si essemus praesentes, etiamsi talia sint, quae de se mandatum exigant magis speciale; promittentes bona fide, et in verbo Regio, omnia et singula, quae per praedictum Ambassiatorem, et oratorem nostrum appunctuata, promissa. conuenta, concordata, et conclusa fuerint in hac parte, nos rata et grata, et firma habituras et obseruaturas, et superinde literas nostras patentes confirmatorias, et approbatortias in forma valida, et autentica, prout opus fuerit, daturas.