United States or Puerto Rico ? Vote for the TOP Country of the Week !
In Cipre is the hille of the Holy Cros; and there is an abbeye of monkis blake; and there is the cros of Dismas the gode theef, as I have seyd before. And summe men trowen, that there is half the crosse of oure Lord: but it is not so: and thei don evylle, that make men to beleeve so. In Cipre lythe Seynt Zenomyne: of whom men of that contree maken gret solempnytee.
And other dyamandes also men fynden in the ile of Cipre, that ben zit more tendre; and hem men may wel pollische. And in the lond of Macedoyne men fynden dyamaundes also. But the beste and the most precyouse ben in Ynde. And men fynden many tymes harde dyamandes in a masse, that comethe out of Gold, whan men puren it and fynen it out of the myne; whan men breken that masse in smale peces.
And from this Ile of Malta Men gon to Cipre. And Cipre is right a good Yle, and a fair, and a great, and it hath 4 principal Cytees within him. And at Famagost is one of the principal Havens of the sea that is in the world, and Englishmen have but a lytel while gone won that Yle from the Sarazynes.
And in the Castelle of Amours lythe the body of Seynt Hyllarie: and men kepen it right worschipfully. And besyde Famagost was Seynt Barnabee the apostle born. In Cipre is the manere of lordis and alle othere men, alle to eten on the erthe. For thei make dyches in the erthe alle aboute in the halle, depe to the knee, and thei do pave hem: and whan thei wil ete, thei gon there in and sytten there.
And from this ile of Rodes, men gon to Cipre, where bethe many vynes, that first bene rede, and aftre o zeer, thei becomen white: and theise wynes that ben most white, ben most clere and best of smelle. And men passen be that way, be a place that was wont to ben a gret cytee and a gret lond: and the cytee was clept Cathaillye: the which cytee and lond was lost thorghe folye of a zonge man.
And aftre fro Cipre men gon be see, and leven Jerusalem and alle the contree on the left hond, onto Egypt, and arryven at the cytee of Damyete, that was wont to be fulle strong, and it sytt at the entree of Egypt. And fro Damyete gon men to the cytee of Alizandre, that sytt also upon the see. In that cytee was seynte Kateryne beheded. And there was seynt Mark the Evangelist martyred and buryed.
Word Of The Day