United States or Åland ? Vote for the TOP Country of the Week !
And other dyamandes also men fynden in the ile of Cipre, that ben zit more tendre; and hem men may wel pollische. And in the lond of Macedoyne men fynden dyamaundes also. But the beste and the most precyouse ben in Ynde. And men fynden many tymes harde dyamandes in a masse, that comethe out of Gold, whan men puren it and fynen it out of the myne; whan men breken that masse in smale peces.
But summe werkmen, for malice, will not pollische hem, to that entent, to maken men beleve, that thei may not ben pollischt. But men may assaye hem in this manere; first schere with hem or write with hem in saphires, in cristalle or in other precious stones.
For whoso wil bye the dyamande, it is needefulle to him, that he knowe hem; be cause that men counterfeten hem often of cristalle, that is zalow; and of saphires of cytryne colour, that is zalow also; and of the saphire loupe, and of many other stones. But I telle zou, theise contrefetes ben not so harde; and also the poyntes wil breken lightly, and men may easily pollische hem.
Word Of The Day