United States or Cabo Verde ? Vote for the TOP Country of the Week !
Tielz paroles dist le roy de Gauuain son nepueu, car moult en estoit esmaies, com de cellui quil amoit plus tendrement que nul autre. Et aussi lamoient tous ceulx de son hostel. Ung iour seoit le roy a son disner dedans la cite de Carduel, et le seruoit len moult richement. Et ilz sauoient tuit de voir quil venoit de querre auentures.
A Lendemain de Noel, apres disner, auint que le roy fu issus de Camelot a pou de compaignie et aloit parmy les pres tout a pie. Et si estoient les pres touz plains de neges; et en ce quil saloit esbanoiant et parlant a ses cheualiers, il regarde et voit venir parmy les pres tout contreual la riuiere vng moult grant cheualier arme de toutes armes.