United States or El Salvador ? Vote for the TOP Country of the Week !
Sans faille, ainsinc est-il des hommes, Se nous, por plus biaus estre, fomes Les chapelés et les cointises Sor les biautés que Diex a mises En nous: vers li trop mesprenons, Quant apaiés ne nous tenons Des biautés qu'il nous a données Sor toutes créatures nées.
Car bien saches qu'Amors ne lesse Sor fins amans color ne gresse: A ce sunt cil bien cognoissant Qui vont les dames traïssant, Qui dient por eus losengier Qu'il ont perdu boivre et mengier; Et ge les voi, les jengléors, Plus cras qu'abbés ne que priors. Encor te commant et encharge Que tenir te faces por large A la pucele de l'ostel: Ung garnement li donne tel, Qu'el die que tu es vaillans.
Qu'il a, qu'il en éust quarente, 5339 Et cil por une cause trente; Voire deus cens, voire deus mile, Tant les art convoitise et guile. Si sunt devins qui vont par terre, Quant il préeschent por aquerre Honors, ou graces, ou richeces, Il ont les cuers en tex destreces, Cil ne vivent pas loiaument, Mès sor tous espéciaument Cil qui por vaine gloire tracent : La mort de lor ames porchacent. Decéus est tex décevierres , Car sachiés que tex préeschierres, Combien qu'il as autres profit, A soi ne fait-il nul profit: Car bonne prédicacion Vient bien de male entencion Qui n'a riens
Jupiter en toute saison A sor le suel de sa maison, Ce dit Omers, deus plains tonneaus; Si n'est viex hons, ne garçonneaus, N'il n'est dame, ne damoisele, Soit vielle ou jone, laide ou bele,
Tel garnison i avés mise, Qui moult le guerroie et justise, Et sor tout ce, se riens doutés, Faictes i clef, si l'emportés, Et la clef soit en leu d'ostages. Amours. Par mon chief! ce n'est mie outrages, Respont Amors, ge m'i acors: Il est assés sires du cors, Qui a le cuer en sa commande; Outrageus est qui plus demande.
Mot du Jour
D'autres à la Recherche