United States or Mongolia ? Vote for the TOP Country of the Week !
Vn prestre feit vne sepulture au symetiere, et feit les obseques funebres d'vn chien qu'il auoit: apres qu'il fut mort. dequoy informé l'Euesque le feit citer deuant luy, ou il se comparut, et repris, confessa le cas, disant par ses excuses: Monseigneur ie luy ay fait honneur, pourautant qu'il le meritoit, car il estoit chien de grand entendement, de sorte qu'il ha fait testament, et entre ses autres Legatz, Il vous ha donné ce qui est dans ceste boursette, c'estoyent dix ducatz, Lesquelz ayant receu l'Euesque, donna l'absolution au Curé.
L'Euesque de Seruie, pour essayer la volonté du Pape, et obtenir de luy quelque chose, luy dit, Pere saint, on dit par toute la ville de Rome et au palaix, que vostre sainteté m'ha fait gouuerneur de Rome. Le Pape respondit, Laissez les dire, ce sont mauuais paillards, et n'en ayez point de doute: car vous trouuerez qu'il n'en est rien.
Philippe le Bel Roy de France, ayant quelque desbat contre le Pape Boniface huitiesme, et estant sollicité d'aucuns de se venger de l'Euesque de Palmiers, principal autheur de leur querelle, Respondit: que plus grande estoit la gloire
L'Euesque de Retio, qu'on nommoit Angelo, appella vne fois les prestres au Sene, et leur commanda, que ceux qui auoyent dignité et degré, y vinssent tousiours aueq leurs chappes & cottes, lesquelles sont habitz sacerdotaux. Vn Prestre, qui n'auoit ne chappe ne cotte, ne pouuoir d'en faire, demeurant en sa maison tout fasché, fut interrogué par vne sienne Chambriere, que vouloit dire, tant soudaine tristesse. Le Prestre luy racompta le commandement de l'Euesque. O miserable (dit elle) tu n'as pas bien entendu le commandement. Car il n'y faut point de chappes ne de cottes: mais seulement de chappons cuitz, que tu porteras
Mot du Jour
D'autres à la Recherche