Vietnam or Thailand ? Vote for the TOP Country of the Week !
Mis à jour: 17 mai 2025
Le Roy voulant, enuers luy, vser de familiarité: luy monstre les delicieux appareilz de ses plaisirs, les esbatemens, les dames, et les banquets, en quoy il prenoit sa recreation, luy demandant qu'il luy en sembloit. La Hire librement luy respondit, Sire ie ne vey iamais Prince qui perdit plus ioyeusement le sien, que vous.
Anthoine Panorme estant interrogué du Roy Alphonse, quelles choses estoyent requises et necessaires pour viure ioyeusement, et pacifiquement en l'estat de mariage, pource qu'ordinairement y ha des fascheries et ennuys. Il respondit, qu'il y auoit besoin de deux choses. La premiere, que le mary feust sourd, pour n'entendre toutes les sottises, mauuaises parolles, & maniere de viure de sa femme.
Il nommoit les Venitiens & Geneuois, Pisces maris: par ce qu'ilz hantent les mers, et que les poissons souuent sont repeuz de leurs corps. Il nommoit les Allemans, Pecora campi: les iugeant rudes d'entendement. Et appelloit les Francois, Pisse vin. Mais vn sien eschansson Normand, ioyeusement luy dit, pere Saint vous estes vray Francois.
Mot du Jour
D'autres à la Recherche