United States or Greenland ? Vote for the TOP Country of the Week !
Pour monstrer que j'en ay esté, Des amoureux aucuneffoiz, Ce May, le plus plaisant des mois, Vueil servir ce present esté. Quoy que Soucy m'ait arresté, Sans son congié, je m'y envoiz. Pour monstrer, etc. Des amoureux, etc. Pour ce, je me tiens apresté A deduiz, en champs et en bois, S'Amours y prent nulz de ses droitz, Quelque bien m'y sera presté. Pour monstrer, etc.
De balader j'ay beau loisir, Autres deduiz me sont cassez, Prisonnier suis, d'Amours martir; Helas! et n'est ce pas assez? Espoir m'a apporté nouvelle Qui trop me doit reconforter, Il dit que Fortune la felle A voulu de soy raviser, Et toutes faultes amender, Qu'a faictes contre mon plaisir, En faisant sa roe tourner. Dieu doint qu'ainsi puist avenir!
Je gaingne et pers, mescontant par sepmaine, Ris, jeux, deduiz, je ne tiens compte d'eulx; Espoir et dueil me mectent hors d'alaine, Eur me flatent, si m'est trop rigoreux; Dont vient cela, que je ris et me deulx? Est ce par sens, ou folie esprouvée? Ne bien, ne mal, d'avanture menée.
Mot du Jour
D'autres à la Recherche