Vietnam or Thailand ? Vote for the TOP Country of the Week !
Mis à jour: 17 juin 2025
Puis va tant roant par la sale, Qu'elle entre en la partie sale, Foible, décrevée et crolant, O toute sa roë volant. Lors va soupant et jus se boute, Ausinc cum s'el ne véist goute; Et quant illec se voit chéuë, Sa chiere et son habit remuë, Et si se desnuë et desrobe, Qu'ele est orfenine de robe, Et semble qu'el n'ait riens vaillant, Tant li sunt tuit bien defaillant.
C'est la soif qui tous jors est ivre, 4545 Yvresce qui de soif s'enyvre; C'est faus délit, c'est tristor lie, C'est léesce la corroucie; Dous maus, douçor malicieuse, Douce savor mal savoreuse; Entechiés de pardon péchiés, De péchiés pardon entechiés; C'est poine qui trop est joieuse, C'est felonnie la piteuse ; C'est le gieu qui n'est pas estable, Estat trop fers et trop muable; Force enferme, enfermeté fors, Qui tout esmuet par ses effors; C'est fol sens, c'est sage folie, Prospérité triste et jolie; C'est ris plains de plors et de lermes, Repos travaillans en tous termes; Ce est enfers li doucereus, C'est paradis li dolereux; C'est chartre qui prison soulage, Printems plains de fort yvernage; C'est taigne qui riens ne refuse, Les porpres et les buriaus use; Car ausinc bien sunt amoretes Sous buriaus comme sous brunetes; Car nus n'est de si haut linage, Ne nus ne trueve-l'en si sage, Ne de force tant esprové, Ne si hardi n'a-l'en trové, Ne qui tant ait autres bontés Qui par Amors ne soit dontés.
* [p.104] Ainsinc cum li miréors montre 1615 Les choses qui li sunt encontre, Et y voit-l'en sans coverture Et lor color, et lor figure; Tretout ausinc vous dis por voir, Que li cristal, sans décevoir, Tout l'estre du vergier accusent A ceus qui dedens l'iaue musent: Car tous jours quelque part qu'il soient, L'une moitié du vergier voient; Et s'il se tornent maintenant, Pueent véoir le remenant. Si n'i a si petite chose, Tant reposte, ne tant enclose, Dont démonstrance n'i soit faite, Cum s'ele iert es cristaus portraite. C'est li miréoirs périlleus, Où Narcisus li orguilleus Mira sa face et ses yex vers, Dont il jut puis mors tout envers. Qui en cel miréor se mire, Ne puet avoir garant de mire, Que tel chose
De l'amor dont ge tiens ci conte 6029 Se tu vués que ge te raconte Quex est le defenissemens, C'est naturex enclinemens De voloir garder son semblable Par entencion convenable, Soit par voie d'engendréure, Ou par cure de norreture. A ceste amor sunt près et prestes Ausinc li home cum les bestes. Ceste amor, combien que profite, N'a los, ne blasme, ne merite; Ne font
Mot du Jour
D'autres à la Recherche