United States or Spain ? Vote for the TOP Country of the Week !
And alle this chambre is covered with inne of plate of fyn gold, dubbed with precious stones and grete perles. And 4 olifauntz and 4 grete destreres alle white, and covered with riche covertoures ledynge the chariot.
And also of wylde bestes, as of olifauntz, tame and othere, babewynes, apes, marmesettes, and othere dyverse bestes; the mountance of 15 cumanez of zomen. And of Phisicyens Cristene, he hathe 200. And of leches, that ben Cristene, he hathe 210. And of leches and Phisicyens, that ben Sarrazines 20: but he trustethe more in the Cristene leches, than in the Sarrazines.
And he liggethe never but o nyght with on of hem, and another nyght with another, but zif that on happene to ben more lusty to his plesance than another. And therfore the kyng getethe fully many children; sum tyme an 100, sum tyme an 200, and sum tyme mo. And he hathe also into a 14000 olifauntz or mo, that he makethe for to ben brought up amonges his vileynes, be alle his townes.
Word Of The Day