United States or Democratic Republic of the Congo ? Vote for the TOP Country of the Week !
For righte as the fyn perle congelethe and wexethe gret of the dew of hevene, righte so dothe the verray dyamand: and righte as the perl of his owne kynde takethe roundnesse, righte so the dyamand, be vertue of God, takethe squarenesse. And men schalle bere the dyamaund on his left syde: for it is of grettere vertue thanne, than on the righte syde.
And therefore whan grete lordes and knyghtes gon to seche worschipe in armes, thei beren gladly the dyamaund upon hem. I schal speke a litille more of the dyamandes, alle thoughe I tarye my matere for a tyme, to the ende that thei that knowen hem not, be not disceyved be gabberes, that gon be the contree, that sellen hem.
Word Of The Day