United States or Tajikistan ? Vote for the TOP Country of the Week !
Et commencez a lyer vostre escusson le premier tout par derriere au meillieu de l'incision: & venir joindre devant avec le chanvre soubz l'oeillet & queue de l'escusson par bien pres sans couvrir ledit oeillet/ & puis retourner encores lyant au derriere de l'arbre & ramenez joindre devant par dessus le hault de l'escusson en croisant tousjours vostre chanvre pour retourner encores bien derriere pour achever de lyer au dessoubz de l'oeillet de l'escusson tant que toute la fente l'incision soit couverte hault & bas avecques ledict chanvre/ exceptez l'oeillet & sa queue qu'i ne fault point couvrir/ laquelle queue cherra toute a par elle bien tost aprés si l'escusson doit prendre.
Et aussi quant les escussons en auront gecté beau boys il y fauldra lyer parmy bien doulcement de petites gaulles que le vent ne les puisse rompre. En ceste maniere d'enter a escusson vous pourrez aussi facillement enter les rousiers blancs tellement que vous aurez des roses de plusieurs sortes en ung mesme rosier. Le sixiesme chapitre: qui est de transplanter les arbres.
Et cela faict fault avoir du chanvre pour lier ledict escusson dedans l'incision de l'arbre & la maniere de lyer est telle.
Car on doit considerer si l'arbre est habitué ou non/ pour la enter tost ou tard & luy bailler greffe de mesme/ tardive ou hastive/ aussi fault regarder si le temps s'avance ou retarde. Quant vous vouldrez aller enter ayez ung panier garny de voz greffes de terre forte bien liante de mousse/ de drappeaulx/ ou d'escorse de saulle pour torquer voz enteurs & de petis oysiers pour les lyer.
Et suffira que chascune greffe ayt ung oeillet ou deulx/ hors de la torqueure car de les laisser par trop longues/ ne seroit pas bon: & les fault torquer & envelopper de terre forte de mousse/ & de drappeaulx/ & les lyer fort/ comme dict est/ des aultres.
Pour enter bien subtillement/ prenez une greffe a ung neu & la tortez & ostez l'escorse & aussi le neu. Et puis le mettez a ung getton aussi gros comme le greffe/ & il reprendra. Pour enter vigne sur vigne/ on la doibt fendre comme ung aultre arbre/ & boutez le greffe en la fente/ et estoupper bien de cire/ et le lyer.
Et puis quant les greffe auroyent bien gecté fault lyer du boys parmy de paour du vent: ou bien se l'arbre est bon & franc/ laissez en croistre cyons nouveaulx ou en entez partie ycelles grands arbres que voulez/ ce sera en fente ou entre escorce. Et le boys lequel bon vous semblera ou a l'escusson se l'escorse est simple et deslyee.
Ayez du chanvre aussi gros comme ung tuau de plume ou environ selon que l'arbre est grosse ou menue/ & prenez icelluy chanvre par le meillieu/ affin que l'ung bout puisse autant fournir comme l'aultre pour entortiller & lyer ledict escusson dedans l'incision de l'arbre & ne le fault lyer trop estroict car cela le garderoit de prendre/ & ne se pourroit bien conjoindre la seve de l'ung et de l'aultre ensemble: & ne fault point mouiller ledict escusson ne pareillement ledict chanvre de quoy on le veult lyer.
Et quant les leverez pour les dresser/ garder d'y mettre lyens qui les puissent corrompre/ mais prenez quelque herbe bien forte/ ou quelque vieulx linseulx de drap/ si l'herbe n'est bien ferme. Alors la pourryez lyer avecques oziers/ mais mettez entre deulx quelque herbe ou drappeaulx. Le .vii. chapitre qui est de medeciner & entretenir les arbres quant on les affie.
Mot du Jour
D'autres à la Recherche