United States or Bermuda ? Vote for the TOP Country of the Week !
And than seythe the styward of the court to the lordes be name, N. of N. and nempnethe first the most enoble and the worthieste be name, and seythe, be zee redy with suche a nombre of white hors, for to serve the emperour, zoure sovereyn lord. And to another lord, he seythe, N. of N. be zee redy with suche a nombre, to serve zoure sovereyn lord. And so another, right so.
The inmortalle God hathe sent me to the; and it is his wille, that thou go to the 7 lynages, and seye to hem, that thou schalt ben here emperour. For thou schalt conquere the londs and the contrees, that ben abouten: and thei that marchen upon zou, schulle ben undre zoure subieccioun, as zee han ben undre hires: for that is Goddes wille inmortalle.
And thanne every man bowethe his hed toward the erthe. And thanne commandethe the same philosophre azen, Stondethe up. And thei don so. And at another hour, seythe another philosophre, Puttethe zoure litille fynger in zoure eres. And anon thei don so. And at another hour, seythe another philosophre, Puttethe zoure honde before zoure mouthe. And anon thei don so.
And than be bad the zongest sone dissevere everyche from other, and breken everyche be him self: and so he dide. And than seyde the Chane to his eldest sone, and to alle the othere, Wherfore myght zee not breke hem? And thei answereden, that thei myght not, be cause that thei weren bounden to gydre. And wherfore, quothe he, hathe zoure litylle zongest brother broken hem?
And at another hour, seithe another philosophre, Puttethe zoure honde upon zoure hede. And aftre that, he byddethe hem to don here hond a wey; and thei don so. And so from hour to hour, thei commanden certeyn thinges. And thei seyn, that tho thinges han dyverse significaciouns. And I asked hem prevyly, what tho thinges betokened.
And undrestondethe, that zif zee wil putte a litylle bawme in the pawme of zoure hond, azen the sonne, zif it be fyn and gode, zee ne schulle not suffre zoure hand azenst the hete of the sonne. Also takethe a lytille bawme, with the poynt of a knif, and touche it to the fuyr, and zif it brenne, it is a gode signe.
And the lady answerde, sythe that I may not withdrawe zou fro zoure lewed corage, I schal zeve zou with outen wysschinge, and to alle hem that schulle com of you. Sire kyng, zee schulle have werre withouten pees, and alle weys to the 9 degree, zee schulle ben in subjeccioun to zoure enemyes; and zee schulle ben nedy of alle godes.
For als longe as zee ben bounden to gedere, in 3 places, that is to seyne, in love, in trouthe and in gode accord, no man schalle ben of powere to greve zou; but and zee ben disevered fro theise 3 places, that zoure on helpe not zoure other, zee schulle be destroyed and brought to nought: and zif eche of zou love other, and helpe othere, ze schulle be lordes and sovereynes of alle othere.
Word Of The Day