United States or Portugal ? Vote for the TOP Country of the Week !
And nyghe besyde is the tombe of Josephe the sone of Jacob, that governed Egypt: for the Jewes baren his bones from Egypt, and buryed hem there. And thidre gon the Jewes oftentyme in pilgrimage, with gret devocioun. In that cytee was Dyne Jacobes doughter ravysscht; for whom hire bretheren slowen many persones, and diden many harmes to the cytee.
And thanne, for the love and in worschipe of that ydole, and for the reverence of the feste, thei slen himself, a 200 or 300 persones, with scharpe knyfes, of the whiche thei bryngen the bodyes before the ydole; and than thei seyn, that tho ben seyntes, because that thei slowen hemself of here owne gode wille, for love of here ydole.
And whan his folk saughe him at the erthe, thei weren alle abasscht, and wenden he had ben ded, and flowen everych one; and hire enemyes aftre, and chaced hem: but thei wiste not, that the emperour was there. And whan thei weren comen azen fro the chace, thei wenten and soughten the wodes, zif ony of hem had ben hid in the thikke of the wodes: and manye thei founden and slowen hem anon.
And whan the queen and alle the othere noble ladyes sawen, that thei weren alle wydewes, and that alle the rialle blood was lost, thei armed hem, and as creatures out of wytt, thei slowen alle the men of the contrey, that weren laft. For thei wolden, that alle the wommen weren wydewes, as the queen and thei weren.
Word Of The Day