United States or Vanuatu ? Vote for the TOP Country of the Week !
And Ynde is devyded in 3 princypalle parties; that is, the more, that is a fulle hoot contree; and Ynde the lesse, that is a fulle atempree contrey, that strecchethe to the lond of Mede; and the 3 part toward the Septentrion, is fulle cold; so that for pure cold and contynuelle frost, the watre becomethe cristalle.
Cypre is righte a gode ile and a fayr and a gret, and it hathe 4 princypalle cytees within him. And there is an erchebysshoppe at Nichosie, and 4 othere byschoppes in that lond. And at Famagost is on of the princypalle havenes of the see, that is in the world: and there arryven Cristene men and Sarazynes and men of alle naciouns.
And fro that other cost of caldee, to ward the southe, is Ethiope, a gret contree, that strecchethe to the ende of Egypt. Ethiope is departed in 2 princypalle parties; and that is, in the est partie and in the meridionelle partie: the whiche partie meridionelle is clept Moretane. And the folk of that contree ben blake y now, and more blake than in the tother partie; and thei ben clept Mowres.
And zee schulle undirstonde, that marchaundes, that comen fro Gene or fro Venyse or fro Romanye, or other partyes of Lombardye, thei gon be see and be lond 11 monethes, or 12, or more sum tyme, or thei may come to the yle of Cathay, that is the princypalle regyoun of alle partyes bezonde; and it is of the grete Cane.
That cytee is well a 50 myle aboute, and it is strongliche enhabyted with peple, in so moche that in on house men maken 10 housholdes. In that cytee ben 12 princypalle zates; and before every zate, a 3 myle or a 4 myle in lengthe, is a gret toun, or a gret cytee. That cytee sytt upon a gret lake on the see; as dothe Venyse.
But troweth not that I wil telle zou alle the townes and cytees and castelles, that men schulle go by; for than scholde I make to longe a tale; but alle only summe contrees and most princypalle stedes, that men schulle gone thorgh, to gon the righte way. Iter ab Anglia tam per terras quam per aquas vsque in Constantinopolim.
Word Of The Day