United States or Djibouti ? Vote for the TOP Country of the Week !
In that lond ben many fairere wommen, than in ony other contree bezonde the see: and therfore men clepen that lond Albanye; because that the folk ben whyte. And the chief cytee of that contree is clept Latoryn; and it is a iourneye from the see: and it is moche more than Parys. In that cytee is a gret ryvere, berynge schippes, that gon to alle the costes in the see.
Of the Londes of Albanye, and of Libye. Of the Wisshinges, for Wacchinge of the Sperhauk; and of Noes Schippe. For in tho contrees bezonden, ben many dyverse contrees, and many grete kyngdomes; that ben departed be the 4 flodes, that comen from Paradys terrestre. For Mesopotayme and the Kyngdom of Caldee and Arabye, ben betwene the 2 ryveres of Tygre and of Eufrates.
And toward the see occyan in Ynde, is the kyngdom of Shithie, that is alle closed with hilles. And aftre undre Schithie, and fro the See of Caspie, unto the Flom Thainy, is Amazoyne, that is the lond of femynye, where that no man is, but only alle wommen. And aftre is Albanye, a fulle grete reme. And it is clept Albanye, because the folk ben whitere there, than in other marches there abouten.
Word Of The Day