Vietnam or Thailand ? Vote for the TOP Country of the Week !
Mis à jour: 9 juin 2025
Ainsi dient qu'engenrerunt Un homme en femme et nourrirunt, Qui aveques les gens sera Et ce que feront nous dira.» Meis mout est fous li Ennemis, Qui croit que Diex soit entrepris Que il ceste uuevre ne séust Et qu'il ne s'en apercéust.
Un preudomme ou païs avoit Qui seut que on de ce palloit, Mout durement s'en merveilla; As deus sereurs vint et palla Ki estoient de remennant, Et mout les ala confortant; Demanda par queu mespresure Iert avenue ceste aventure, Et de leur pere et de leur mere, De leur sereur et de leur frere. Respondent li: «Nous ne savuns Meis que de Dieu haïes suns.» Li preudons leur ha respondu: «De par Dieu n'avez riens perdu. Or ne dites jameis ainsi; Car Jhesu-Criz ne het nului, Ainz li poise mout quant il set Que li pechierres si se het. Sachiez, par uuevre d'Ennemi Vous est-il meschéu ainsi. Saviez-vous riens de vo sereur, Ki dampnée est
Mot du Jour
D'autres à la Recherche