United States or Thailand ? Vote for the TOP Country of the Week !
Et quant vous les vouldrez replanter/ ayez de bons terriers gros/ pour mesler avecques une partie de la terre que avez tiree de la fosse. Et avecques les creustes bien espesses. La terre que prendrez a l'environ: mais n'en mettez par trop le costé herbu devers les racines/ car cela les pourroit faire eschauffer.
Laissez les ainsi proigner troys ou quatre ans ou environ: sans les remuer: jusques a ce que lesdictes greffes soyent trestoutes bien chevolues. Et ce tandis picquez des bastons a l'environ: pour les dresser. Et pour paour que on les rompe.
Et encores pour les en garder il fault mettre quelques petis vaisseaulx plains d'eaue aulx piedz des dessusdictz arbres/ & aussi de la lye de vin espandue a l'environ d'icelles.
Pour faire mourir & destruire formis qui sont a l'environ d'aulcuns arbres & convient d'eschauffer & remouvoir la terre en tour lesdictz arbres/ & puis mettre grant quantité de suye de la cheminee/ & tantost les formis s'en yront ou se mourront. Item aultrement les peult on destruyre.
Et leur dressez bien & composez bien les principaulx membres & branches si besoing en est/ avecques perches & gaulles picquees fort bien estroict a l'environ & au pied & branches tellement que l'une branche n'approche trop de l'autre ne frayez les ungs aulx aultres quant elles grossiront/ & en fault aussi coupper aulcunes branches s'elles sont trop espesses.
Quant vostre coing sera retiré mettez quelque petite peleure de boys verd sur la fente du saulvaigeau/ que rien n'y entre & couvrez les fentes de l'enteure/ tout a l'environ de terre forte/ de deulx doigs ou environ d'espez/ que les vent ne pluye n'y puissent entrer/ & enveloppez de mousse & torquez de vieulx drappeaulx: ou d'escorse de ferulles/ & les lyez bien estroict de petitz osiers.
Mot du Jour
D'autres à la Recherche