United States or Brunei ? Vote for the TOP Country of the Week !
Item qu'en prin temps nouvellet Quant par boys ou champs passerés Des que orez le rossignolet Vos vigilles de mors dirés Et que jamais ne dormirés Soubz aubespin n'esglantiers Autre part tant que vous vouldrés Pourveu qu'il n'y ait des rosiers
Le fort n'est pas la voulenté Ainçois a la vertu que aurés Et sachés que serés tempté Par mains assaux que recevrés Peine et misere trouverés En lieu de joye et de plaisance Quand vouldrés menger junerés Qui est tresdure penitance L'amant
Si forte rigle que vouldrés Bien garderé pour abriger Et me sembloit que quant saurés Qui me fait mon mal rengregier Vous aiderés a deschargier Mon povre cueur de grant mesaise Mais j'ay paour de vous trop charger Et que mon langaige desplaise Damp prieur
Vous avés dist il liberté Aage parfait et congnoissance Vecy l'abit de vanité Vecy celluy de penitance L'un tire a dueil l'autre a plaisance D'un bien de l'autre mal aurés Se tandis qu'avés la puissance Prenés lequel que vous vouldrés
Mot du Jour
D'autres à la Recherche