United States or Iraq ? Vote for the TOP Country of the Week !
Rois, vos savès que Diex a pou d'amis, Né onques-mais n'en ot si grant mestier: Quar por vous est cist peuple mors ou pris, Né nus, fors vous, ne l'en puet bien aidier. Que povre sont li altre chevalier, Si crement la demorance. Et s'en tel point lor faisiés défaillance, Saint et Martir, Apostre et Innocent Se plainderoient de vous au Jugement. De la mort l'empereur Federic et Henry son fils.
Ah! gentis rois, quant Diex vos fist croisier, Toute Egipte doutoit vostre renom; Or perdés tout quant vos volés laissier Jhérusalem estre en chaitivoison. Quar quant Diex fist de vos élection Et signor de sa venjance, Bien déussiés monstrer vostre poissance De revengier les mors et les chaitis Qui por vous sont et pour s'amor occis.
Mot du Jour
D'autres à la Recherche