United States or Burundi ? Vote for the TOP Country of the Week !
Et pour bien les proigner a leur ayse fault becher tout autour de l'arbre forment/ comme qui vouldroit arracher/ tant que les racines en soyent comme a demy deschaussees. Et puis allongés la fosse du costé que la vouldrez proignez. Et selon que verrez que les racines pourront mieulx obeir a incline. Et coucher en icelle fosse l'arbre bien gracieusement.
Et puis doncques les proignez a l'aultre yver/ comme dict est/ mais s'il demeure ung membre seullement qui ne soyt point rompu/ passez oultre & le proignez/ & coupez ras de la torqueure les estotz de ceulx qui sont rompus. En proignant voz arbres/ s'il y a plusieurs membres en aulcunes d'icelles eslargissez les bien en la fosse en les y courbant bien rondement/ comme dit est.
Mais si aulcunes d'icelles arbres avoyent getté des cyons du pied/ qui eussent ja racines/ il les fauldroit arracher/ & les replanter avecques la pelle. Et si lesdictz cyons n'avoyent racines/ proignez les au pied de l'arbre/ sans les coupper/ jusques a deulx ou troys ans/ qu'ilz auront racines pour transplanter.
Mais il se fault donner de garde de prendre du cyon qui sort de la souche du Guynier: ou Prunier saulvaige: car il est saulvaige. Le quatriesme chapitre: qui est d'affier autres arbres. Lesquelles viennent de gros cyons: picqués sans avoir racines/ & de proignez les menus cyons. Aulcunes arbres sont qui prennent de cyons: & branches picquees & proignees.
Mot du Jour
D'autres à la Recherche