United States or Bulgaria ? Vote for the TOP Country of the Week !
Ne fai vers autre, ne porchace 5701 Fors ce que tu veus qu'en te face; Et s'ainsinc voloies amer, L'en te devroit quite clamer, Et ceste ies-tu tenus ensivre, Sans ceste ne doit nus hons vivre.
Entendez en quantes mennieres Nous racheta Diex nostres peres: Li Peres la raençon fist, Par lui, par son fil Jhesu-Crist, Par le Saint-Esprit tout ensemble. Bien os dire, si con moi semble, Cil troi sunt une seule chose, L'une persone en l'autre enclose. Diex voust que ses fiuz char préist De la Virge et que de li naschist, Et il si fist puis que lui plust; Pour rien contredist ne l'éust. Cil Sires, qui humanité Prist en la Virge, humilité Nous moustra grant quant il venir Daigna en terre pour morir, Pour ce que il voloit sauver L'uevre son pere et delivrer De la puissance L'Ennemi, Qui nous eut par Eve trahi. Quant ele vit qu'ele eut pechié, Si ha tant quis et pourchacié Que Adans ses mariz pecha; Car une pomme li donna Que Diex leur avoit deveé Et trestout l'autre abandonné; Meis il tantost la mist au dent Et en menja isnelement. Et tantost comme en eut mengié, Pourpensa soi qu'il ot pechié; Car il vit sa char toute nue, Dont il ha mout grant honte éue. Sa fame nue véue ha, A luxure s'abandonna. Après ce coteles se firent De fueilles, qu'ensemble acousirent. Et quant Nostres-Sires ce vist, Adan apele et si li dist: «Adan, où ies-tu?» «Je sui ç
Mot du Jour
D'autres à la Recherche