United States or Guadeloupe ? Vote for the TOP Country of the Week !
Si rest-ele voir si commune, Selonc les ovres de Fortune, Que chascuns chascun jor le voit, Se bon entendement avoit. Merveilles est que ne l'entens Qui ta cure as mise tant ens; Mès tu l'as autre part tornée, Par ceste amor desordenée, Si la te voil or ramentoivre Por toi faire miex aparçoivre.
Amors, se bien suis apensée, C'est maladie de pensée Entre deus personnes annexes Franches entr'eus, de divers sexes, Venans as gens par ardor née De vision désordenée, Por eus acoler et baisier, Et por eus charnelment aisier. Amors autre chose n'atant, Ains s'art et se délite en tant.
Mot du Jour
D'autres à la Recherche