United States or Liechtenstein ? Vote for the TOP Country of the Week !
«Joseph, bien sez que chiés Symon Menjei et tout mi compeignon, A la Cene, le juesdi; Le pein, le vin y benéi, Et leur dis que ma char menjoient Ou pein, ou vin mon sanc buvoient: Ausi sera représentée Cele taule en meinte contrée.
Diex fu en la meison Simon, Et il et tuit si compeignon. Judas eut les Juis mandez Et l'un apres l'autre assemblez. En la meison Symon entrerent. Quant ce virent, si s'effreerent Li deciple Nostre-Seigneur, Car il eurent mout grant peeur; Et quant la meison vit emplie Judas, si ne se tarja mie, En la bouche Jhesu beisa Et par le beisier l'enseigna. Jhesu prennent de touz costez.
Mot du Jour
D'autres à la Recherche