United States or Indonesia ? Vote for the TOP Country of the Week !
Il y a d'autres arbuscules: c'est assavoir groyseliers/ framboysiers/ castilliers/ qu'on appelle groysilliers saulvaiges: vinettiers qu'on appelle espine benoyste/ d'ycelle en fault prendre des cyons en yver/ qui sorttent de leurs racines/ & les plantez s'ilz sont chevoluez/ & s'ilz n'ont racines il les fault proignez/ & ilz prendront assez.
Et les arrousez aulcunesfoys a l'esté/ si besoing en est. Et en cerclez bien aussi les bourriers s'il se y en trouve. Et puis par espace de temps/ yceulx tronsons gecteront des cyons/ lesquelz quant seront chevoluez de deulx ou troys les pourrez transplanter.
Et pourtant mieulx vault prendre des petis cyons/ bien chevoluez/ qui sortent des racines des grans cerisiers/ & les planter car plus tost seront venus que de noyaulx/ mais que ce soit tandis qu'ilz seront encores jeunes & petis/ comme de deulx ou troys ans/ car quant ilz sont gros: ilz ne prouffitent pas si bien/ aulmoins il les fauldroit bien esbrancher/ avant que les planter.
Mot du Jour
D'autres à la Recherche