United States or Estonia ? Vote for the TOP Country of the Week !
And whan thei mowe holden the boke of the Gospelles of oure Lord written, and namely, Missus est Angelus Gabriel; that Gospel, thei seyn, tho that ben lettred, often tymes in here orisouns, and thei kissen it and worschipen it, with gret devocioun.
For thei knoulechen wel, that the werkes of Jesu Crist ben gode, and his wordes and his dedes and his doctryne by his Gospelles, weren trewe and his meracles also trewe; and the blessed Virgine Marie is good, and holy mayden, before and aftre the birthe of Jesu Crist; and that alle tho, that beleven perfitely in God, schul ben saved.
And amonges alle prophetes, Jesu was the most excellent and the moste worthi, next God; and that he made the Gospelles, in the whiche is gode doctryne and helefulle, fulle of charitee and sothefastnesse, and trewe prechinge to hem that beleeven in God; and that he was a verry prophete, and more than a prophete; and lyved withouten synne, and zaf syghte to the blynde, and helede the lepres, and reysed dede men, and steyghe to hevene.
For thei han Gospelles and the prophecyes and the Byble, writen in here langage. Wherfore thei conne meche of Holy Wrytt, but thei undirstonde it not, but aftre the lettre: and so don the Jewes; for thei undirstonde not the lettre gostly, but bodyly; and therfore ben thei repreved of the wise, that gostly understonden it. And therfore seythe seynt Poul; Litera occidit; Spiritus vivificat.
Word Of The Day