United States or Isle of Man ? Vote for the TOP Country of the Week !
But thus thei don; thei anoynten here hondes and here feet with a juyce made of snayles and of othere thinges, made therfore; of the whiche the serpentes and the venymous bestes haten and dreden the savour: and that makethe hem flee before hem, because of the smelle; and than thei gadren it seurly ynow. Also toward the heed of that forest, is the cytee of Polombe.
And men seyn, that the Emperour takethe more gode, in that cytee, for custom of marchandise than dothe the ricchest Cristene kyng of alle his reme, that livethe. For the tolle and the custom of his marchantes is with outen estymacioun to ben nombred. Beside that cytee, is a hille of salt; and of that salt, every man takethe what he will, for to salte with, to his nede.
Fro that temple toward the est, a 120 paas, in the cornere of the cytee, is the bathe of oure Lord: and in that bathe was wont to come watre fro paradys, and zit it droppethe. And there besyde, is oure ladyes bed.
Ther lythe Thobye the prophete, of whom Holy Writt spekethe offe. And fro that cytee of Hur Abraham departed, be the commandement of God, fro thens, aftre the dethe of his fadre; and ladde with him Sarra his wife and Lothe his brotheres sone, because that he hadde no child. And thei wenten to duelle in the lond of Chanaan, in a place, that is clept Sychem.
In this cytee of Betheleem was David the kyng born: and he hadde 60 wyfes; and the firste wyf hihte Michol: and also he hadde 300 lemmannes. An fro Betheleem unto Jerusalem nys but 2 myle. And in the weye to Jerusalem, half a myle fro Betheleem is a chirche, where the aungel seyde to the scheppardes, of the birthe of Crist.
From that cytee, men gon be watre, solacynge and disportynge hem, tille thei come to an abbey of monkes, that is faste bye, that ben gode religious men, after here feythe and lawe. In that abbeye is a gret gardyn and a fair, where ben many trees of dyverse manere of frutes: and in this gardyn, is a lytille hille, fulle of delectable trees.
And a myle fro Jezrael ben the Hilles of Gelboe, where Saul and Jonathas that weren so faire, dyeden: wherfore David cursed hem, as holy writt seythe; Montes Gelboe, nec Ros nec Pluvia, &c.; that is to seye, Zee hilles of Gelboe, nouther Dew ne Reyne com upon you. And a myle fro the hilles of Gelboe, toward the est, is the cytee of Cyrople, that was clept before Bethsayn.
And that men passen be the Ile of Greaf, that is at Gene: and aftre arryvethe men in Grece at the havene of the cytee of Myrok, or at the havene of Valone, or at the cytee of Duras: and there is a duk at Duras, or at othere havenes in tho marces: and so men gon to Costantynoble.
There is a gode cytee, amonges othere, where there is duellynge gret plentee of the lytylle folk, and is a gret cytee and a fair, and the men ben grete that duellen amonges hem; but whan thei getten ony children, thei ben als litylle as the Pygmeyes, and therefore thei ben alle, for the moste part, alle Pygmeyes, for the nature of the land is suche.
Also fro Bethanye to Jerico, was somtyme a litylle Cytee: but it is now alle destroyed; and now is there but a litylle village. That cytee tok Josue, be myracle of God and commandement of the aungel, and destroyed it and cursed it, and alle hem that bylled it azen.
Word Of The Day