United States or Chad ? Vote for the TOP Country of the Week !
And fro that temple, towardes the southe, right nyghe, is the Temple of Salomon, that is righte fair and wel pollisscht. And in that temple duellen the knyghtes of the temple, that weren wont to be clept templeres: and that was the foundacionn of here ordre; so that there duelleden knyghtes; and in Templo Domini, chanouns reguleres.
For fro what partie of the erthe, that men duelle, outher aboven or benethen, it semethe alweys to hem that duellen, that thei gon more righte than ony other folk. And righte as it semethe to us, that thei ben undre us, righte so it semethe hem, that wee ben undre hem.
Aftre gon men be see, to the lond of Lomb. In that lond growethe the peper, in the forest that men clepen Combar; and it growethe nowhere elle in alle the world, but in that forest: and that dureth wel an 18 iourneyes in lengthe. In the forest ben 2 gode cytees; that on highte Fladrine, and that other Zinglantz. And in every of hem, duellen Cristene men, and Jewes, gret plentee.
Of the welle, that chaungethe his odour, every hour of the day: and that is mervaylle. In that flomme men fynden eles of 30 fote long and more. And the folk that duellen nyghe that watre, ben of evylle colour, grene and zalow. In Ynde and abouten Ynde, ben mo than 5000 iles, gode and grete, that men duellen in, with outen tho that ben inhabitable, and with outen othere smale iles.
There is a gode cytee, amonges othere, where there is duellynge gret plentee of tho lytylle folk: and it is a gret cytee and a faire, and the men ben grete, that duellen amonges hem: but whan thei geten ony children, thei ben als litylle as the pygmeyes: and therfore thei ben alle, for the moste part, alle pygmeyes; for the nature of the lond is suche.
And whan thei wil have ony companye of man, than thei drawen hem towardes the londes marchynge next to hem: and than thei have loves, that usen hem; and thei duellen with hem an 8 dayes or 10; and thanne gon hom azen. In that lond thei have a Queen, that governethe alle that lond: and alle thei ben obeyssant to hire. And alweys thei maken here queen by eleccioun, that is most worthy in armes.
And it is the foulest contree, and the most cursed, and the porest, that men knowen. And here prince, that governethe that contree, that thei clepen Batho, duellethe at the cytee of Orda. And treuly no gode man scholde not duellen in that contre. For the lond and the contree is not worthi houndes to dwelle inne.
And thei have none houses, but tentes; that thei maken of skynnes of bestes, as of camaylles and of othere bestes, that thei eten; and there benethe thei couchen hem and duellen, in place, where thei may fynden watre, as on the Rede See or elles where For in that desert is fulle gret defaute of watre: and often time it fallethe, that where men fynden watre at o tyme in a place, it faylethe another tyme.
And there growethe fulle gode wyn, that men clepen Bigon, that is fulle myghty and gentylle in drynkynge. This is a cytee ryalle, where the Kyng of Mancy was wont to duelle: and there duellen many religious men, as it were of the order of freres: for thei ben mendyfauntes.
This contree and lond of Jerusalem hathe ben in many dyverse naciounes hondes: and often therfore hathe the contree suffred meche tribulacioun, for the synne of the people, that duellen there.
Word Of The Day