United States or Guam ? Vote for the TOP Country of the Week !
Mais pourtant belle qu'il me semble Que voycy lieu assez decent Que nous pouons parler ensemble Se vostre plaisir se y consent Car le monde est de nous absent Oultre je ne desire point Rien dire qui soit indecent Et qui blasme touche ung seul point Demus et inde fidem fieri sic postea dicam Primitus incepi/ primitus inde loquar
Aler venir secretement Parler ensemble honnestement N'est point cause de vilennie Et pourtant belle je te prie Que ce permettes seulement Estre pouons licitement Ensemble amoureurement Sans estre reprins car m'amie Aler venir secretement Parler ensemble honnestement N'est point cause de vilennie Non nisi colloquio cognoscimus intima cordis. Ipsa referre potes quid placet inde tibi
Foy & moy a te faire adresse Requerras pour te conseiller Nous deux te tiendrons en proesse En ferme cueur & en haultesse Sur tous nous te pouons aider Ung siege pour te soulagier Et reposer t'est necessaire Qui soit paré de satisfaire
Celle franchise signifie Et se doit en ce point noter Que dieu par bonté infinie Nous a donné avec la vie Le franc arbitre de regner Et pouons venir & aller Par la voye de sauvement Ou le sentier de dampnement
Pourquoy cries tu/ tant que je puis En haste vien presentement De clorre et de fermer les huys On ne nous peult voir nullement Il n'y a icy seulement Que nous deux presens pour ceste heure Et la maison seulle demeure Asseure toy et point ne tremble Tu es a seurté ce me semble Et avec ton amy parfaict Nous pouons bien parler ensemble Et deviser de nostre fait Gallathee
Mot du Jour
D'autres à la Recherche