United States or Eswatini ? Vote for the TOP Country of the Week !
* [p.64] Li fust estoient et li fer 987 Plus noirs que déables d'enfer. La première avoit non Orguex, L'autre qui ne valoit pas miex, Fu apelée Vilenie; Icele fu de felonie Toute tainte et envenimée La tierce fu Honte clamée, Et la quarte Desespérance: Novel-Penser fu sans doutance Apelée la darreniere. Ces cinq floiches d'une maniere Furent, et moult bien resemblables; Moult par lor estoit convenables Li uns des arcs qui fu hideus, Et plains de neus, et eschardeus; Il devoit bien tiex floiches traire, Car el erent force et contraire As autres cinq floiches sans doute. Mès ne diré pas ore toute Lor forces, ne lor poestés. Bien vous sera la vérités Contée, et la sénéfiance Nel' metré mie en obliance; Ains vous dirai que tout ce monte, Ainçois que je fine mon conte. Or revendrai
Ainsinc Fortune se desguise; Mès bien te di qu'ele ne prise Tretous ceus du monde ung festu, Quant voit son cors ainsinc vestu; Ains est tant orguilleuse et fiere, Qu'il n'est orguex qui s'i afiere: Car quant el voit ses grans richeces, Ses grans honors, ses grans nobleces, De si très-grant folie habonde, Qu'el ne croit pas qu'il soit où monde Home ne fame qui la vaille, Comment que la chose après aille.
Mot du Jour
D'autres à la Recherche