United States or Andorra ? Vote for the TOP Country of the Week !
Non pas qu'il soit requis qu'elle joingne totallement par tous les endroictz/ mais quant vous taillerez les greffes des heaulmiers et pruniers ne leur platissez pas tant l'incision comme aulx aultres. Car elle ont plus grosse mouelle laquelle fault regarder entierement sans en approcher d'ung costé ne d'aultre sinon par le bout/ lequel fault assez plat.
Aussi fault bien prendre garde que les greffes soyent bien assises & joinctes sur le troncq & que l'incision qui est en la fente joingne bien en ycelle d'ung costé & d'aultre non pas que je vueille dire qu'il soit besoing qu'elles joignent par tous endroictz/ car pour y avoir quelque peu de tasche/ cela ne les garde pas de prendre/ mais aulcunesfoys y pourroit servir/ car la seve de la greffe & du saulvaigeau s'en pourroient beaucoup mieulx contraindre l'une avecques l'aultre.
Mot du Jour
D'autres à la Recherche