United States or Australia ? Vote for the TOP Country of the Week !
And I asked hem, zif it had not ben better, to have zoven that releef to pore men, rathere than to the bestes. And thei answerde me and seyde, that thei hadde no pore men amonges hem, in that contree: and thoughe it had ben so, that pore men had ben among hem, zit were it gretter almesse, to zeven it to tho soules, that don there here penance.
And so seyn thei of the sonne; be cause that he chaungethe the tyme and zevethe hete and norisschethe alle thinges upon erthe; and for it is of so gret profite, thei knowe wel, that that myghte not be, but that God lovethe it more than ony other thing. And for that skylle, God hath zoven it more gret vertue in the world: therfore it is gode resoun, as thei seyn, to don it worschipe and reverence.
And zif ony cursed wycche or enchauntour wolde bewycche him, that berethe the dyamand; alle that sorwe and myschance schalle turne to him self, thorghe vertu of that ston. And also no wylde best dar assaylle the man, that berethe it on him. Also the dyamand scholde ben zoven frely, with outen coveytynge and with outen byggynge: and than it is of grettere vertu.
For I have seen and beholden many tymes that of Parys and that of Costantynoble: for thei were bothe on, made of russches of the see. But men han departed hem in two parties: of the whiche, o part is at Parys, and the other part is at Costantynoble. And I have on of tho precyouse thornes, that semethe licke a white thorn; and that was zoven to me for gret specyaltee.
Word Of The Day