United States or Azerbaijan ? Vote for the TOP Country of the Week !
Ztąd póvstało mjono nasze Każebj czele Kaszebj; e vjes, njedalek bójovjszcza leżąco, Sławószeno mu pó vjeczne czase naszę slavę głosec e słavą słenac; a nasz Xąże Svjatopełk, co pótenu tak wójoveł, jakbe cali svjat chceł pełknąc, zo to nąm nadeł rożne diploma, chtere jesz pódzisdzen leżą na roteszu Puckim, jako v stołecznim mjesce zemje Kaszebskje.
P. Moj kochani, pamjętam, żeś ta bardzo zachwalił stołeczne mjasto Kaszub; povjedź mj też, zkąd ma sve słavne jimiję? K. Ho, moj Panje, wó timbe trzeba vjele gadac, ale jo to krotko póvjem. Kjej Pjoter łovjeł rebe na mórze, tej przeszed Kristus e rzek do njeho: Pjotrze puc za mną, e to do trzece rize póvtorzeł; a ztąd to mjasto dostało mjono Puck, chterebo przed tim njmjało.
Pótemu przeszle wónj do błota Zamóstneho, dze sę mjele drobkę lepj, bó tu natrafjle vjele pasturzi, co dobetk pasle e njemógąc naszim przodkom stavjc wóporę jich dobrze póczestovale e jim móst przez rzekę zbudovale, abe sę tech njeproszonech gósci jak norechli ze sve vede pózbec. Ztąd póvzę vjes Móste e to całe błoto swóje mjono.