Tulit ille ruentem Thybridis in ripas regem, solusque revulso Pone ferox ponte exclusit redeuntia regna. «Si tibi dulce virum, primo qui fœdera bello Phœnicum pepigit, vidisse, hic inclitus ille 730 Æquoreis victor cum classe Lutatius armis. Aut hæc Sicania pepigisti captus in ora?

Armato nullus Divum pudor; improba virtus, Et pacis despectus honos; penitusque medullis Sanguinis humani flagrat sitis: his super, ævi 60 Flore virens, avet Ægates abolere, parentum Dedecus, ac Siculo demergere fœdera ponto. Dat mentem Juno, ac laudum spe corda fatigat.

Romanos Petræa duces, Romana petivit Fœdera Callipolis, lapidosique Enguion arvi, Hadranum, Ergetiumque simul, telaque superba 250 Lanigera Melite, et litus piscosa Calacte, Quæque procelloso Cephalœdias ora profundo Cæruleis horret campis pascentia cete, Et qui, conreptas sorbentem vorticis haustu, Atque iterum e fundo jaculantem ad sidera, puppes, 255 Tauromenitana cernunt de sede Charybdim.

Non ego complexus, et sanctæ fœdera tædæ, Conjugiumve peto: patrios damnare penates Absiste, ac natis fas duc concedere noctem.» «Hos inter fletus, junctus vestigia Pœnis 450 Limine se clusit Tyrio, questusque reliquit.

Huic proles Barcæ: «Germanum reddere vero 460 Si placet, haud renuo: maneant modo fœdera nostra, Hasdrubalem revocare umbris: egone aspera ponam Unquam in Romanos odia? aut mansuescere corda Nostra sinam? parcamque viro, quem terra crearit Itala? tum manes inimicos æde repellat 465 Æterna, socioque abigat me frater Averno.» Sic ait, et clipei propulsum pondere toto, Lubrica qua tellus lapsantis sanguine fratris Fallebat nisus, prosternit, et occupat ense.

Durat, et adfirmans non ultra spondet in ipsos Venturam cæli rabiem; modo patria virtus In dextras redeat, nec Romam exscindere Pœni 670 Credant esse nefas: ubi nam tunc fulmina tandem Invicti latuisse Jovis, quum sterneret ensis Ætolos campos? ubi, quum Tyrrhena natarent Stagna cruore virum? «Pugnat pro mœnibus, inquit, Si rector Superum tot jactis fulmine telis, 675 Inter tot motus cur me contra arma ferentem Adflixisse piget? ventis hiemique fugaces Terga damus: remeet, quæso, mens illa vigorque, Qua vobis, quum pacta Patrum, quum fœdera adessent, Integrare acies placitum.» Sic pectora flammat; 680 Donec equum Titan spumantia frena resolvit.

Cryxus Picentem Laurumque, nec eminus ambo; 175 Sed gladio Laurum; Picenti rasilis hasta, Ripis lecta Padi, letum tulit: avia namque Dum petit, ac lævo meditatur fallere gyro, Hasta viri femur et pariter per anhela volantis Ilia sedit equi, et geminam dedit horrida mortem. 180 Idem, sanguinea Venuli cervice revellens, Sternit præcipitem tepido te, Farfare, telo; Et te sub gelido nutritum, Tulle, Velino, Egregium Ausoniæ decus, ac memorabile nomen, Si dent fata moras, aut servent fœdera Pœni. 185 Tum Remulum, atque olim celeberrima nomina bello Tiburtes Magios, Hispellatemque Metaurum, Et Clanium, dubia meditatus cuspide vulnus.

Infelix, ac jam vultu spectabat amico. 415 Hinc et speluncam, furtivaque fœdera amantum Callaicæ fecere manus: it clamor ad auras, Latratusque canum; subitoque exterrita nimbo Occultant alæ venantum corpora silvis. Nec procul Æneadum vacuo jam litore classis, 420 Æquora nequidquam revocante petebat Elissa.