United States or Albania ? Vote for the TOP Country of the Week !
C'est honte et peché damnable Par fraudes seduire pucelles C'est ung crime vituperable Et ung deshonneur dommaigable S'il en est aucunes nouvelles Je ne sçay dieu le vueille sçavoir Se tu viens pour me decevoir Je vois a la bonne equité Se j'ayme par honnesteté Si n'esse pas pourtant a dire Que me doyves faire seduire Ne par ta grant subtillité Me vouloir en place conduire Que tu sçaiches qui puisse nuyre Au fait de ma virginité
Nec memores quomodo sit vilis Ta naissance miserable et fragile Et ta nature abhominabilis Homme mortel meschant homme et debile Mais que te vault estre expert et abile Ne ton angin ne ta subtillité Quant rien ne vient a fruit ne utillité
Pourtant vueillons par cueur bien retenir Tous ces poins cy et a bien faire entendre Siqu'après mort nous puissons parvenir Au hault royaume ou nous devons tous tendre Qui tant riche est que sens ne peut comprendre La voit on dieu o face glorieuse La oit on son o voix melodieuse La ont les corps impassibilité Agilité clarté subtillité Et les ames sapience admirable Puissance honneur sureté et lyesse Concorde amour et gloire inseparable Qui tousjours dure et qui jamais ne cesse