United States or Bosnia and Herzegovina ? Vote for the TOP Country of the Week !
Pour faire ung muscadet prenez ung fil de fer/ & le boutez en la mouelle de la plante du cep/ qui soit taillé a troys neuz/ tant que ladicte moelle soit toute tiree dehors/ puis emplissez le cep de pouldre de noix muguette: & puis l'estoupez de cyre tellement que eaue n'y puisse entrer/ & les troys gettons porteront raisins pour faire du muscadet/ & pourra l'en enter en terre: & planter tout sera muscadet.
Pour affier toutes manieres de heaulmes fault avoir des greffes d'icelles arbres/ & les enter en guygniers saulvaiges ou en cerisiers aygres/ qui croissent es jardins/ & le fruict en sera bon & franc/ car les noyaulx & gettons saulvaiges sont bons entez d'aultres.
Encores si voulez racoustrer la souche qu'avez provignee: aprés qu'en aurez couppé tous les membres/ & que luy eussiez laissé des cyquotz des greffes/ comme dict est elles vous regetteront encores d'aultres cyons d'iceulx cyquotz Dont vous pourrez aussi faire arbres franches/ comme des aultres premiers gettons: & les provignant & relevant en troys ou quatre ans une foys/ comme dict est des aultres.
Mot du Jour
D'autres à la Recherche