United States or North Macedonia ? Vote for the TOP Country of the Week !
And the town is called Jaff; for on of the sones of Noe, that highte Japhet, founded it; and now it is clept Joppe. And zee schulle undrestonde, that it is on of the oldest townes of the world: for it was founded, before Noes flode. And whoso wil arryve at the firste port of Thire or Surre, that I have spoken of before, may go be londe, zif he wil, to Jerusalem.
And aftre gon men thorghe the ile of Pathmos, and there wrot Seynt John the Evaungelist the Apocalips. And zee schulle undrestonde, that Seynt Johne was of age 32 zeer, whan oure Lord suffred his passioun; and aftre his passioun, he lyvede 67 zeer, and in the 100th zeer of his age he dyede. From Pathmos men gone unto Ephesim, a fair citee and nyghe to the see.
And for as meche as sche had to meche mylk in hire pappes, that greved hire, sche mylked hem on the rede stones of marble; so that the traces may zit be sene in the stones alle whyte. And zee schulle undrestonde, that alle that duellen in Betheleem ben Cristene men. And there ben fayre vynes about the cytee, and gret plentee of wyn, that the Cristene men han don let make.
For profyte of the offrynge, thei seye, that it is the cros of oure Lord Jesu Crist. And zee schulle undrestonde, that the cros of oure Lord was made of 4 manere of trees, as it is conteyned in this vers, In cruce fit palma, cedrus, cypressus, oliva.
And alle be it that the collect of Seynte Kateryne seye, that it is the place where oure Lord betaughten the Ten Comandementes to Moyses, and there where the blessed virgyne Seynte Kateryne was buryed; that is to undrestonde, in o contree, or in o place berynge o name. For bothe that on and that othre is clept the Mount of Synay.
Word Of The Day