United States or Malaysia ? Vote for the TOP Country of the Week !
And there made Nabugodonozor the kyng putte three children in to the forneys of fuyr; for thei weren in the righte trouthe of beleeve: the whiche children men cleped, Ananya, Azaria, Mizaelle; as the Psalm of Benedicite seythe. In that castelle duellen alle wey, to kepe it and to serve the Sowdan, mo than 6000 persones, that taken alle here necessaries of the Sowdanes court.
And at Cayre besides Babyloyne duelled the Calyffee of Egypt. And at Marrok, upon the west see, duelte the Calyffee of Barbaryenes and of Affrycanes. And now is there non of the Calyffeez, ne noughte han ben, sithe the tyme of Sowdan Sahaladyn. For from that tyme hidre, the Sowdan clepethe him self Calyffee. And so han the Calyffeez y lost here name.
And than he leet clepe in alle the lordes, that he made voyden first out of his chambre; and there he schewed me 4, that weren grete lordes in the contree, that tolden me of my contree, and of many othere Cristene contrees, als wel as thei had ben of the same contree: and thei spak Frensche righte wel; and the Sowdan also, where of I had gret marvaylle.
And there is so meche multytude of that folk, that thei ben withouten nombre. And thei ne recchen of no thing, ne don not, but chacen afere bestes, to eten hem. And thei recchen no thing of here lif: and therefore thei dowten not the Sowdan, ne non othre prince; but thei dar wel werre with hem, zif thei don ony thing that is grevance to hem.
Word Of The Day