United States or Tuvalu ? Vote for the TOP Country of the Week !
And so passe men be this Ermonie, and entren the see of Persie. Fro that cytee of Artyroun go men to an hille, that is clept Sabissocolle. And there besyde is another hille, that men clepen Ararathe: but the Jewes clepen it Taneez; where Noes schipp rested, and zit is upon that montayne: and men may seen it a ferr, in cleer wedre: and that montayne is wel a 7 myle highe.
And also a zonge man, that wiste not of the dragoun, wente out of a schipp, and wente thorghe the ile, til that he come to the castelle, and cam in to the cave; and wente so longe, til that he fond a chambre, and there he saughe a damysele, that kembed hire hede, and lokede in a myrour: and sche hadde meche tresoure abouten hire: and he trowed, that sche hadde ben a comoun woman, that dwelled there to resceyve men to folye.
And sum men seyn, that thei han seen and touched the schipp; and put here fyngeres in the parties, where the feend went out, whan that Noe seyde Benedicite.
For the Ademand, of his kynde, drawethe the iren to him: and so wolde it drawe to him the schipp, because of the iren: that he scholde never departen fro it, ne never go thens.
There may men see many foule figure assembled, and namely nyghe the gode townes. In that ile ben schippes with outen nayles of iren or bonds, for the roches of the Ademandes: for thei ben alle fulle there aboute in that see, that it is merveyle to speken of. And zif a schipp passed be tho marches, that hadde outher iren bondes or iren nayles, anon he scholde ben perisscht.
Word Of The Day