United States or Rwanda ? Vote for the TOP Country of the Week !
Also in Egypt ben gardyns, than han trees and herbes, the whiche beren frutes 7 tymes in the zeer. And in that lond men fynden many fayre emeraudes and y nowe. And therefore thei ben there grettere cheep. Also whan it reynethe ones in the somer, in the lond of Egipt, thanne is alle the contree fulle of grete myrs.
For there it reyneth not but litylle in that contree: and for that cause, they have no watre, but zif it be of that flood of that ryvere. And for als moche as it ne reynethe not in that contree, but the eyr is alwey pure and cleer, therfore in that contree ben the gode astronomyeres; for thei fynde there no cloudes, to letten hem.
Word Of The Day